ዋዲክ እንታ ሰላምድ፡ ሰላም የኩም ተለይዶ

ዋዲክ እንታ ሰላምድ፡ ሰላም የኩም ተለይዶ

ብሊና ሻማ፡ Uk እንቱኹ
ዳካዲ መጋርሕዲት፡ እንክቡኹ
ጣቁርዲ፡ ሰኲነዲ፡ ደማትዲት ዓገሉኹ
ገብሩቁርድ እሮራ፡ በጥሕ ክላሉኹ
ዳስ ይናኹ ብሊንሲ፡ እክቦ እንብላዉኹ

ኣጃ ሰኝደነኩማ፡ ከው ይጋቡ
እንታ ሰፈላልድ፡ ሓገይኹን ይቱ ጋቡ
ሽካ ወረባ ካሮ እንትኹን፡ ጂኝስትየኩም ይባቡ
ሓጋይኻ ኳራ፡ ሽቓ ስዋ ጀበቡ
ሳውደረስ ሳውዶ፡ ስልኽስኻ ደበቡ
ሓደር ይኹን ሸፊልዲ፡ ብሊና ሻመት ተክለቡ

2(ኣጃ ክድንኹማ፡ )ከውሲ ላት ክሰው
ብሊን ታሚተው፡ ላግባርሊ ዓገልሰው
እስላመዲ ክስታነዲ፡ ላት መቅረሓው
ብሊን በካይት፡ ዳሕኒል ካያ ዋንሰው
መጋሪሕ ናጀመራ፡ ከረንሊ ከው ቅሰው
ጋሻይ ከለብሮ፡ ካለስ ስነድ ሻቑሰው

ገናፎራ መዳስ፡ ናሰረና ናመለለይ
ኩተናኻ ሻኒዲ፡ ሰማዲትኻ መንደላይ
ይነገን’ኻ ገሸሪዲ፡ ይነክልኻ ድብላ ተኩላይ
እሙራን ግን ድቢል፡ ወንቀርሰላ ናመለለይ

ዋዲክና ናህብርነ፡ እኺርኺር ቛልናኹድ
ሙቁላ እንዲን ደኮና፡ መሓርስንኹን ጃርልድ
ዋድር ገምድነትሉ፡ ውድብሲ ይና ኣብልድ
ንኪ ኒን ኣኽንማ ግርም፡ 2 ኣመራ ደኮውልድ

ቅብል ቅብላ ኣኽኖ፡ ኣኖካይ ደኩኹ
ሽንግርዋ ሃብታትኻ፡ ሽወደንሲ እንቱኹ
ሰለሙንኻ ሎንደንሲ ክስክስድሮና፡ ዩንሲ ሹጉ ታሚታኹ
ኒሰናኽር ማእከለ ሊድስልድ፡ ይና ዳስ ሰርገይሱዂ

2 (ሕረም ይነው ሽኻሩ)፡ በደድ ሸሊልድ
ይነክልኻ ሮሚታት፡ በረጀው ኣስዩፍድ
ይናቆልዕኻ ነየትኖ፡ መሀርሰው ዲቢልድ
ጃርኽር ሓምዳ ጀረቦኩ፡ ሽሊስጋኹና ንህትልድ

መርሓባ መርሓባ፡ ላግባሩ ላኮዲው
2 መድሃቡ፡ እንክምዲ፡ ኣበልዋዲ ናትዲው
ብልቱግዲ ማዲልዲ፡ እተይ ናጋኹሪው
ብሊን ይና ጋብ፡ ድወልዲ መጢተው
ረዋዲ ይነውኽር፡ እናሓን ዩቱብል ዋርዲተው

ለንደንሲ ወረበው፡ ናብሊናርሲ ተክለቦ
እስኮትሽ ፡ ኣይርሽ፡ ሻንፍፍ ኒው ተከቦ
መዳስ ኣስርከት፡ ክላል ንክላኹሲ ዓጀቦ
ሓደር ዩኹ ብሊና፡ ኒከው ናትክ እክቦ

መርሓባ ኣርሓብዳ የቲ፡ UK ብሊና ሻማ
ቆለ ጅአለ፡ ሕሳንዲ እንከሊዲ፡ እንታ ነበኺ ኣኽለማ
ኳነየለ፡ ሽኻርደለ፡ እንታ ዳስ ኣኽለማ
ነዊኻ ሸፊልዲ፡ ኣማርኻ ሊድስ ደለማ

ኮቨንቲሪ በርምንጋሃም፡ ሆርየስ ደደካ
ሊድስ ማንቸስተር፡ ኣስያፍድ በረጃ
ኖቲንጋሃም ሸፊልዲ፡ ዕላልድ ሓየምጋ
ክስክስታ ሸሊልድ፡ ሰስዓ ሰፈላልሲ ፍዳ

ዋዲክ እንታ ሰላምድ፡ ሰላም የኩም ተለይዶ
ወርክማ ደባኑ፡ እንታ ሽማገለ በጋሚዶ
ይነገን በካይድ፡ እንሻቅገውና ለገዶ
ሕቁፍሰ ሰላም የሎም፡
ጃር ሰላምሲ፡ ገምድኒ ወለይዶ ( 2 )

ፍጹም ዘርኣይ
ሙሻሩኹ

3 comments

  1. Your welcome poem has left so many people so much inspired and motivated. Thank you for such a beautiful gesture of hope, home and longing.

    1. Thanks, Hyab. I am realy proud of what we have achieved in these three years and looking farword for next year and for the so many years ahead. I may start singing just to demonstrate how much I love Blina Shama UK.

Comments are closed.